Aitortza berria jaso du Fagorrek Garapen Jasangarrirako Helburuekin duen konpromisoagatik.

Euskadi Agenda 2030 sariak banatu dira lehenengoz, izaera desberdineko entitateek Garapen Jasangarrirako Helburuekin (GJH) duten konpromisoa aitortzeko. Bidean erdi mailako ziurtagiria jaso du Fagor Taldeak. Zehatz esanda, zehazturiko gutxieneko baldintzak bete eta alorrean aditu direnen kanpo kontrastea izan duten 16 erakundek lortu dute aitortza hori. Horrez gain, goi mailako Aurreratua ziurtagiria jaso dute kanpo kontraste horretan maila jakin bat lortu duten 10 erakundek; eta, oinarrizko Konpromisoa, autoebaluazio osoa online plataforman egin duten 34k.