Arrasateko Udalak 1.137.000 euro jarriko ditu MGEPek Trefasan Industria Aurreratuko Laborategi batzuk egiteko.

Laborategiak 26.221 metro koadro dituen Gautxori esparruan egingo dira, eta Udala da partzela horren %14aren jabe. Proportzio horregatik dagokio aipatutako ekarpena egitea, eta atzo egindako maiatzeko osoko bilkuran onartu zuten EAJren eta PSE-EEren botoekin. MGEPeko koordinatzaile Carlos Garciak hitza hartu zuen laborategi proiektuaren onurak azaltzeko, eta oposizioak aurka botatu zuen, arrazoi ezberdinak tarteko.