Fagor Taldeak 50.000 euroko ekarpena egingo dio Elgetako Ixotzen energia berriztagarrien komunitateari.

Fagor Taldeak 50.000 euroko ekarpena egingo dio Elgetako (Gipuzkoa) Ixotzen energia berriztagarrien komunitateari, eta kooperatibako bazkide laguntzaile bilakatuko da. “Energia berriztagarrietan sakondu beharra dago. Askotarikoak dira Debagoienean (Gipuzkoa) martxan diren ekinbideak. Horiei ekarpena egiteko konpromisoz dihardu Fagor Taldeak, energia berriztagarrien bidean urrats bakoitza baita beharrezko”, azaldu du Aritz Otxandiano Kanpo Fagor Taldeko Iraunkortasun arduradunak.