Hirekin zentroan hasiak dira bailarako "ekintzailetza estrategia" garatzen.

Hirekin berrikuntza eta ekintzailetza industrialerako zentroaren eraikuntza lanak azken fasean dira, eta aholku mahai bat sortu dute Mondragon Unibertsitateko Goi Eskola Politeknikoko ordezkariek, erakunde publikoek, babesleek eta sustatzaileek. «Helburua da eskualdeko ekintzailetza estrategia elikatzea, eta enpresa bultzatzaileek, administrazio publikoek eta ekintzailetza sustatzeko eragileek elkarrekin dituzten erronketan laguntzea», adierazi du Mondragon Unibertsitateak.