Mondragon Unibertsitateko Goi Eskola Politeknikoko ikertzaileek parte hartu dute materialen eta fabrikazioaren inguruko glosario terminologiko baten sorreran.

Euskarak badu gai teknikoen inguruko glosario berri bat. Azken urteetako Materialen Zientzia eta Teknologia kongresuko argitalpenetan oinarrituta landu da glosarioa eta azaroa bukaeran aurkeztuko da. Glosarioa Uzei Mondragon Unibertsitatea, EHU-UPV, Tecnalia, Ceit eta Leartikerrek antolatu dute.

Azaroaren 29an eta 30ean Bilboko EHUren Bizkaia Aretoan izango da V. Materialen Zientzia eta Teknologia Kongresua eta aurtengoa Tecnalia eta Euskampusek antolatu dute. Ekitaldian bertan aurkeztuko da glosarioa eta eskuragai jarriko da online formatuan.