Zientziaz eta teknologiaz ikasten, legoa eta ilusioa oinarri.

Goiz berezia izan da gaurkoa Arrasateko Goi Eskola Politeknikoaren Iturripeko Campusean, Ulma Taldeak, Ikerlanek, Mondragon Unibertsitateak eta Ausolanek antolatutako Micro First Lego League-Mondragon Innobasque txapelketaren lehen edizioa jokatu da-eta bertan. EAEko 16 ikastetxetatik etorritako 200 bat gaztek hartu dute parte; gaurkoan sailkapenik egon ez den arren, emozioa barra-barra izan dute lehietan.